نرمين صفر انتقادها ضحى العريبي
أثناء استضافتها مؤخرا في برنامج فكرة سامي الفهري مع هادي زعيم، قالت التيكتوكوز ضحى العريبي ان نرمين صفر قامت بانتقادها على “اللايف” في تيكتوك في حين انها اصبحت هي الاخرى اقتحمت التيكتوك واصبحت تفتح البث الحي.
مضيفة انها لا تعرف الفنانة الاستعراضية نرمين صفر في الحياة الواقعية.
في ذات السياق ردت نرمين صفر بقوة على ضحى العريبي في تدوينة نشرتها قائلة :”فما فيديو عرضني فيه صانعة محتوى قالت اهيا نرمين ولات تحل لايف تيكتوك، نعلمك الي انا الي بدعت كلمة اللايف في تونس والتيكتوك موش ملك الوالد وباش تلقاني فيه ديما خاطرني فنانة، هذيكا خدمتي لازم نكون في أي بلاتفورم فيها الاغاني متاعي وجمهوري موش sugar daddy ليبي متاعي ..
قالت نرمين ما عمري شفتها تكذب ليلة الي جاتك ورقتك وانتي تفلم على الناس كنّا في نفس النزل جربة ساكنين جنب بعضنا ويجمعنا نفس المسبح الخاص.. قعدنا على نفس الطاولة ونفس العشاء مع نفس الشخص، الفرق ما بينا الي انا كنت غادي كفنانة استعراضية بش تحل لايف عندي سويتي وحدي واموري قانونية يحرس فيا الامن وانتي خوك فيبالو”.
انتقدت الفنّانة الإستعراضية التونسية نرمين صفر “التيكتوكوز” ضحى العريبي عبر مقطع فيديو نشرته على حسابها الشخصي انستغرام و قالت :”فما فيديو بعثوهولي بالحق قلقني برشا، نكره الجهل ونكره البهامة والنفاق ياسر نكرهم.. فما هاك الطفلة ضحى قاعدة تخدم على روحها متحجبة امورها، قلت مايسالش طفلة زوالية خلوها تخدم على روحها… تفرجت في فيديو ليها قالت اما خير تتفرجو في رڨاص جابو هادي زعيم ولا تتفرجو فيا انا نعمل في التكتوك! سامحني أختي هذاك الرڨاص اللي تحكي عليه راهو فنان و يقدّم في فن، اما انت فاش قاعدة تقدّم؟”.
و أضافت :”على فكرة راك لابسة حجاب وترقص راهو، يخي في ڨابس تلبسو الحجاب و ترقصو؟؟ و خوك يصفقلك و راجلك يصفقلك؟ و الرڨاص اللي تحكي عليه عنده دكتوراه و مثقف يحكي على الفن و تاريخه و يشجع الناس باش تقرا.. اما انت سامحني اك ترقص على أغاني سمارة، و سمارة أغانيه يتحطّو في الجامع؟ و قاعدين يكبسولك و التكبيس فلوس حلال؟ معاهم رشقة من الخليجيين”.
و ختمت حديثها موجّهة رسالة إلى ضحى العريبي قالت فيها :” كل واحد يشد قدرو خلي نحترمو بعضنا خير.. وربي يعين الناس الكل”.