أول تعليق ل طارق ثابت بعد الهزيمة : اسوء ماتش منذ تدريبي للفريق

طارق ثابت على ترجي+ :
اسوء ماتش منذ تدريبي للفريق، مباراة للنسيان. كان فما ارهاق، و في التدريبات وسط الاسبوع حسينا فما حاجة، حاولنا نصلحو لكن البدن ما يجاوبش.

الهدفين الاول و الثاني اخطاء لا يمكن توقعها في 12 دقيقة 2 بلاش. الناس الكل تغلط حتى في مستوى عالي.الهدف الثالت هو لي لازم نصلحوه. ما كانش فما استسهال، حاولنا نعملو ردة فعل لكن ما نجمناش. العام الفارط المنافس شعرة لا خرج الاهلي.

جاتنا كرة توڨاي و كرة الساحلي كنا نجمو نرجعو في النتيجة. هدفنا الاول هو الترشح

فريق الترجي خضع لحصة ازالة ارهاق قبل العودة الى تونس وسط أجواء على غير العادة بسبب هزيمة الفريق امام الهلال السوداني المتقوص من المباريات والمحروم من اللعب فوق ميدانه وهو نفس الفريق الذي انقاد لأكثر من هزيمة امام اندية تونسية في تربص أجراه بتونس وبثلاثية كاملة .

هذا و قد اكدت لنا مصادر خاصة ان رئيس النادي حمدي المدب سبجنتمع بمدرب الفريق طارق ثابت فور العودة ،لوضع النقاط حول الحروف بسبب بعض الإختيارات الغريبة التي تحدثنا عنها ،ويبدو ان الأجواء توترت منذ أمس لكن لايمكن لإدارة النادي التراجع عن قرارها المتخذ في شأنه تثبيت ثابت على الأقل في الوقت الراهن ،رغم تعرضهم لحملة تشكيك ابرزها من طارق ذياب الذي كان أبرز المعارضين منذ البداية لفكرة تعيين المعني ،ولخص ذياب حال المكشخة في جملة أحدثت ضجة” المدرب في الترجي الحالي يتعلم واللاعبين يتعلمون مالا شكون باش يعلمهم؟”.

بقي ان نؤكد في الختام ،أن ياسين مرياح قظم اعتذاراته في حجرات الملابس ،و قد تلقى دعما من كل زملائه في الفريق.