الفنان ريان يوسف : يخرج عن صمته و يفضح عبد الرزاق الشابي وأمين قارة (فيديو)
الفنان ريان يوسف : يخرج عن صمته و يفضح عبد الرزاق الشابي وأمين قارة (فيديو)
رد الفنان ريان يوسف عن إتهامات الإعلامي عبد الرزاق الشابي له بالنكران حيث صرح مؤخرا أن ريان لا يذكر أنه قد دعمه إعلاميا في بداياته وأنه من صنع منه نجم
“عبدالرزاق الشابي نحترمه ونقدره برشا وكلامو مايبدل شي من احترامي ليه ، هو يتبع كان في الحوارات إلي ماجبدتاش فيهم على ماشافش الحوارات لخرين.. باش نبقى كل انترفيو نجبد في عبدالرزاق الشابي ؟
موش كان هو عاوني عاونوني برشا ناس اخرين ، مافما حد في الدنيا هذي ماعرضوشي عباد عاوناتو … ماهوش هو إلي عملي الصوت ولا قراني موزيكا هو عداني ضيف باش نحييله البرنامج متاعه ، هو أكبر مني نورمالمون هو ينصحني باش مانعملش هكاكا …
كلام غالط ويقول في كلام أنا ماقلتوش ، راهو هو جاني لجربة موش أنا مشيتله وكان جيت حاجتي بيك راني مشيتله لحنبعل … يرحم والديك إلي عديتني في الحلقة ولكن الكلام الكل غالط.. وجعني خاطر كلام غالط ،
ريان بالنسبة ليك ناكر جميل كلمني في التاليفون ولومني ، إلي وجعني امين قارة في كل حلقة من برامجه الكل تصويرة ريان ديما موجودة وربي يهدي … مافما حتى مشكل مع أمين قارة ، مانيش فاهم شنيا مشكلتهم معايا …
أول حضور ليا كان في 2009 موش معاه هو ونقول ربي يهدي … حاولوا برشا مرات يستدعاوني عند أمين قارة وأنا نرفض مانشوفش روحي نقدم إضافة ، لا هو يقدملي إضافة ولا ني نقدملو إضافة للبرنامج ومانشوفش روحي في وسطهم مع احترامي للموجودين غادي”